ستاسو دپاره يو ښۀ زېرے! هغه دا چې خُدائ پاک دنيا سره مينه کوى او د دې مطلب دا دے چې هغه ما سره او تاسو سره مينه کوى! د انسان د آزادئ په وجه دُنيا کښې بدى او تکليفونه دى او دا ټول د خُدائ پاک د مرضى په ځائ زمونږ د خپلې مرضۍ لار باندې تللو په وجه دى. زمونږ د ګناهونو په وجه مونږ د خُدائ پاک نه جُدا شوى يو. خو خُدائ پاک عيسىٰ مسيح راولېږلو چې مونږ خُدائ پاک ته واپس راوګرځئ. عيسىٰ مسيح زمونږ د ګناهونو په وجه مړ شو او بيا د مړو نه راژوندے شو. که چرې مونږ په دې ايمان راوړو او خپل ځان هغۀ ته اوسپارو نو بيا مونږ خُدائ پاک په شخصى توګه پېژندے شو.
